"السيسي" يطلق رسمياً منصة "مصر الرقمية"

الأربعاء 06 يوليه 2022 -11:33

جانب من الافتتاح

خاص البوصـلة
أعلن الرئيس عبدالفتاح السيسي الإطلاق الرسمي لمنصة مصر الرقمية خلال افتتاحه عددًا من مشروعات مصر الرقمية اليوم.

وقال "السيسي": "إحنا عاملين اليوم ده للمصريين والدولة المصرية علشان نلقي الضوء على أهمية الموضوع ده علشان مستقبل بلادنا وأولادنا.. من فضلك يا دكتور عمرو خد راحتك وبراحة علشان الناس تعرف"، مضيفا "عملنا ده علشان نقول للناس إذا كنتم بتتكلموا فى التعليم وعاوزين تعرفوا التعليم اللى يبقا ليه فرصة حقيقية لبلادنا وأولادنا فى العمل.. اللى احنا بنتكلم عليه اليوم كله معمول علشان كلنا ننتبه ونهتم ونبذل الجهد سواء التعليم أو المبادرات المطروحة أو حتى اللى ممكن يتعمل علشان ندى فرصة حقيقة للموضوع".

وتابع: "لما عملنا مسابقة طلع 111.. بفكركم بالموضوع وساعتها قابلنى الدكتور خالد وزير التعليم العالى وقالى لو عملنا مسابقة غير كده هنجيب عدد أكبر من كده وأنا بقول ياريت والله يا خالد.. بقولك الكلام ده والله يا خالد وأتمنى والله العظيم لو اتوجد 100 ألف دارس عندهم المقومات دى هصرف عليهم 12 مليار جنيه فى تعليمهم هاتوا الـ100 ألف فاهمنى وفاهمهم".

وأكد: أنه من أجل تحويل تلك الدولة إلى جمهورية جديدة، تم تحقيق أرقام كبيرة جدًا، متسائلًا لرئيس مجلس الوزراء: “طب الحكومة دفعت من دا كام يا أستاذ مصطفي.. وكل ما فعلته العاصمة كشركة هي داخلة فيها ومن أجل ذلك تريد تأجير المنشآت بالحي الحكومي”، مشيرا: “عايزة تأجر لنا الحي الحكومي بـ 4 مليار جنيه فى السنة.. واللقاء دا أتي فى العيد وكل سنة وأنتم طيبين.. وهناك من تكلم وقال انتوا بتجيبوا الفلوس دي منين.. والحي الحكومي والعاصمة تأتي من أموال الحكومة.. أولا احنا ناس صادقين جدا وشفافين.. وبالنسبة لمواردنا ليس لدينا غير الأفكار”.

وتابع: “الشركة قامت بكل هذا العمل من خلال مواردها الذاتية.. وبتقول لنا إنها هتأجرهالنا.. طب مهي شركة خاصة بالدولة.. وهناك من يقول لي لماذا نبني العاصمة.. البلاد مابتعيش كدا لكنها تبني وتعمر من أجل أخذ مكانها وسط الأمم"، مؤكدا أن الدولة المصرية جادة في ملف التحول الرقمي، قائلا: "لما الدولة المصرية تجي تعمل موضوع زي ده.. علشان تحقق التحول الرقمي بعد كان بتشتغل ورقي.. واحنا شغالين دلوقتي بنعمل ذكاء صناعي يكون فيه جزء من العمل يكون فيه ذكاء صناعي.. الرقم كام وكلفنا كام"، مضيفا: "علشان تعرفوا أنه لتحويل الدولة دي إلى دولة نقول علها جمهورية جديدة.. أرقام كبيرة جدا جدا.. الحكومة دفعت كام .. الدكتور عمرو وزير الاتصالات فاكر الـ 10 مليار جنيه بتوعه بس".

وتابع: أنّ الحكومة الذكيّة تكلف الدولة 100 مليار جنيه، لتقديم خدمات للمواطنين بسهولة ويسر في ظل التحول الرقمي الذي تنفذه الدولة، مضيفا: "الناس بتقول انتوا بتعملوا العاصمة ليه؟، انتوا معاكوا فلوس للحكاية دي، ما تدونا الفلوس دي نعيش بيها، بس البلاد مش بتعيش كده، البلاد بتقعد تبني وتعمر بنفسها عشان تاخد مكانها وسط الأمم، وده مبيجيش غير بالأفكار والصبر والتضحيات".

وتابع: "لما جيت على مراكز البيانات دي وطرحناها كان بعيد علينا، وكانو بيقولوا هتجيبوا الفلوس دي منين، ولكن لو كنتوا عاوزين تعملوا دولة ليها شأن زي ما بتشوفوا في الدول المتقدمة، شوفوا بنشتغل إزاي".

ويفتتح الرئيس عبد الفتاح السيسى صباح اليوم الأربعاء عددا من المشروعات لوزارة الاتصالات وتكنولوجيا المعلومات وسيشهد فعاليات الجلسة الحوارية للشباب المشاركين في المبادرات والمستفيدين من المنح بوزارة الأتصالات وتكنولوجبا المعلومات، وسيشهد إطلاق منصة مصر الرقمية وكذلك إفتتاح عدد من المشروعات عبر الفيديو كونفرانس، وسيشهد افتتاح مركز البيانات الدولى بالقاهرة ومدارس المصرية للاتصالات للتكنولوجيا التطبيقية ومراكز إبداع مصر الرقمية وتطوير متحف البريد المصري .