بلاغ ضد "احمد مجاهد "بعد تعديه علي المتطوعين لتنظيم بطولة كأس الأمم الافريقية

الثلاثاء 16 يوليه 2019 -05:40
محمد احمد
أخبار متعلقة
كشفت ايمان عبد الهادي احدي المتطوعات اللجنة المشرفة علي تنظيم بطولة كأس الامم الافريقية المقامة في مصر حالياً عن التجاوزات التي قام بها احمد مجاهد عضو اتحاد الكرة السابق و منسق عام البطولة في حق الشباب المشرف علي التنظيم التي وصلت الي حد التطاول باليد والسب لهم بسبب اتباعهم التعليمات الخاصة ببرتوكول التنظيم للبطولة 
واضافت " ايمان " عبر صفحتها علي موقع التواصل الاجتماعي ال فيس بوك ان وزير الشباب والرياضة تدخل لاعادة حقهم بعد ان علم بما حدث وقيامهم بتحرير محضر رسمي ضد احمد مجاهد في قسم الشرطة وفيما يلي التوضيح الكامل الذي نشرته 

الصورة دى مش مجرد صورة تذكارية تجمع بين متطوعين فى تنظيم بطولة #كأس_الأمم_الإفريقية ووزير الشباب والرياضة الدكتور "أشرف صبحى" والدكتور "مصطفى عزام" مساعد رئيس اللجنة المنظمة للبطولة ومنسق مباريات ستاد القاهرة ، العميد "إيهاب رجب" والأستاذ "أحمد لطفى" مسئولين عن متطوعين بروتوكل ستاد القاهرة .........

فى الحقيقة منعت نفسى أكتر من مرة انى أكتب حقيقة الصورة وما ورائها على السوشيال ميديا حفاظآ على الصورة العامة لمجهودنا المبذول ومجهود أبطال سهرت أيام علشان خاطر عيون مصر وصورتها أمام العالم فى إخراج تنظيم بطولة عالمية بتشارك فيها 24 جنسية بصرف النظر أن المنتخب المصرى كمل أو خرج بصرف النظر مين كان مقصر لكن أحنا كمنظمين خارج الدائرة ومكملين شغلنا على أكمل وجهه حتى تنضيف المقصورة بعد إنتهاء كل مبارة وده شئ عمرة ما حسينا انه بيقل مننا بالعكس الاستاد أصبح بيتنا حتى ولو ليوم واحد وواجب علينا الحفاظ عليه ، كنا بنعمل اللى ينطلب مننا أو مينطلبش طالما الظرف يحتم ذلك ...

أنما أننا نتهان وكرامتنا يتقل منها والحقيقة تتزيف فى المواقع الإخبارية هنااااا stop كل مبارة يحصل موقف مهين ومتعنت ومتعجرف مختلف من المدعو #أحمد_مجاهد عضو مجلس إدارة إتحاد الكورة سابقآ ومنسق عام البطولة معامله غير لائقه بالمرة للجميع وغير مرغوب فى وجودة من الجميع لسوء تعاملة #الموقف_الأول فى مبارة الجزائر ونيجيريا تم تكليفى بالوقوف أمام الصالون الخاص بوزير الشباب والرياضة والمفتاح كان معايا وتم التنبيه عليا من الحرس الخاص بالوزير ممنوع حد يدخل بالفعل تم الأمر على أكمل وجه والوزير وصل فتحت دخل هو وسفير الجزائر قبل بدء المبارة خرجوا قفلت بالمفتاح وكان معايا وتوجهنا انا وزملائى للمقصورة وقت السلام الجمهورى عمرى ما كنت اتخيل أن "أحمد أحمد" رئيس الإتحاد الأفريقى هيطلب يصلى فى الوقت ده الباب طبعآ كان مقفول والمفتاح معايا أول ما أنتبهت على الفور توجهت علشان افتحله لاقيت فى وشى أحمد مجاهد بيزعق حاولت أمتص غضبه وقولتله " أزى حضرتك الأول المفتاح معايا وهفتح حالآ " كان رد فعله انه هيكسر أيدى وأنا بفتح وبيفتح هو كمان معايا الباب وأحرجنى جدآ قصاد "أحمد أحمد" مع ذلك عرفته القبله وخرجت وسكت...
#الموقف_الثانى كان معدى من باب المقصورة الرئيسية وأول ما شافنا كل حد ملتزم بمكانه قال بصوت عالى " أنتم أسوء ما فى البطولة " وبيشاور بصباعه علينا كلنا وكأننا جايين من الشارع مثلآ ميعرفش أن كل بنت وشاب فينا متخرج من أكبر جامعات مصر ومعاه لغه واتنين وC.V يخض.
#الموقف_الثالث وده كان القشه التى قسمت ظهر البعير أحد المشجعات تونسية الجنسية أخت "خالد المقشر" منسق عام VAR بين الشوطين توجهت للطلوع لاونج الخاص بVipp وتم الطلب مننا أنا نراجع ticket كل الناس قبل طلوعها وليه بقى نسأل الهانم ونقولها من فضلك نشوف ticket بتاعتك نزلت شتيمه فى زميلتنا وتقولها انتى " بنت صغيرة قذرة " وراحت للبنت اللى بعدها ( دارين ) تقولها بصوت عالى وأسلوب سيئ " أنتم المصريين شحاتين جرابيع ما انتم فاهمين شئ ولا عارفين تنظموا بطولة "
طبعآ هنا شباب تذكرتى منعوها من الطلوع ورفضوا وجودها لانها بتشتم فى بلدنا وهى على أرضها لمجرد أنها رافضه تتبع النظام والمطلوب مننا نعرف أنها اخت منسق حكام تبع CAF من تلقاء نفسنا مثلآ وحتى لو عرفنا لييييييه نكسر النظام ( دارين ) زميلتنا ولا نطقت بكلمه ظهر أحمد مجاهد أخد الهانم اللى بتغلط فى بلدنا بكل قلة أدب وطلعها تاكل وزعق لزميلتنا قصاد الناس كلها ومع بداية الشوط التانى زميلتنا بتحكى لأحد الظباط الحاضرين المشكله سمعها أحمد مجاهد شد Id من رقبتها وشد شعرها بشكل هستيرى وزقها بقوة وبعلو صوته قالها أمشى أطلعى بارة مش عايزك هنااااااا بصوت عالى وسط الصاله الكبيرة خلف المقصورة طبعآ الناس اتلمت وزميلتنا اتبهدلت واتهانت جدآ ولانها بنت متربية خريجة الجامعة الكندية أتصدمت من الفعل انا وزميله معانا كنا بنحاول نمشيها من قدامه ونهديها لكنها أنهارت من البكاء وبعد أنتهاء المبارة وانصراف الوزير وضيوفه وصله اللى حصل رجع تانى مشكورآ واجتمع بينا وأعتذرلنا بنفسه وتعهد بأن الموقف مش هيعدى بالساهل وحكينا على كل حاجه بدرت من الشخص ده لأنه لا يستحق أن يتولى أى منصب بعد أستقالته من إتحاد الكورة.
وطلب الوزير ياخد صورة معانا لأنه فخور بينا وبتجربتنا فى التنظيم ولم يصدر عنا أى شكوى منذ بداية البطولة ودارين هى البنت اللى جمبه ماسكه ID بتاعها فى إيديها بعد ما قطعه البيه المحترم .
ولم يكتفى الوزير المحترم بذلك أجتمع بينا اليوم فى مكتبه لمناقشه الموضوع وتقديم كل سبل الترضيه لزميلتنا ولينا لأن كرامتنا واحدة.
وتم تحرير محضر برقم 2306 جنح قسم ثانى مدينة نصر ضدد أحمد مجاهد وكلنا شاهدين معاها وحقها هيرجع وأى كلام بيقوله فى الصحافة كدب فى كدب وأخلاقه مع الجميع تشهد عليه أنا حكيت كل كلمة بأمانة أتسأل عليها قصاد ربنا...
الجميل بقى أن الدكتورة "جهاد عامر" هى مسئوله عننا فى إختفاء تاااام 
والأجمل أن الكابتن "محمد فضل" وقت ما أتشحن من أهل الشر قال مش عايزهم وما يجوش اللى هو عددنا فوق 50 متطوع علشان يرضى البيه المحترم ولو فعلآ قعدنا فى بيوتنا فى مبارة وحفل الختام الدنيا هتقع لكن أحنا رايحين وهنكمل شغلنا علشان حاجه واحدة طلعت كبيرة عليهم أوى ومش عارفين قيمتها أسمها #مصر 

 

نرشح لك

  • تقارير مصوره

    • البوصلة نيوز| شاهد.. تعرف علي كيفية تشخيص وعلاج " الثعلبة "
    • البوصلة نيوز| شاهد..بروفيسور مغربي يقدم نصائح للحفاظ علي سلامة العمود الفقري
    • شاهد.. خناقة بين الشركات العقارية في معرض الأهرام العقاري والأمن يتدخل لفض الأشتباك
    • شاهد.. رياض محرز يعتذر للشعب المصري عن عدم مصافحة رئيس الوزراء في نهائي بطولة أفريقيا
    • البوصلة | شاهد ملخص مشوار منتخب الجزائر في بطولة كأس أمم إفريقيا

    تعليقات القراء

    أضف تعليق
    الأسم
    البريد الألكنرونى
    التعليق

    تعليقات الفيس بوك

    أحدث الاخبـــار

    الأكثر قراءة

    جميع الحقوق محفوظة لموقع البوصلة 2015